მეცხრე დღის რეფლექსია

კიდევ ერთხელ გადავამოწმეთ ჩვენი საქაღალდე, შევურჩიეთ დიზაინი და დავდეთ ბლოგზე.
თითოეულმა წევრმა წარმოვადგინეთ ჩვენი ნამუშევრები, შევაფასეთ ერთმანეთის ნამუშევრები და მივეცით ერთმანეთს რჩევები. დღემ ჩაიარა საინტერესოდ.
 
ინტელის ეს პროექტი არის ძალიან საინტერესო. ვისწავლე ბევრი რამ , კერძოდ კომპიუტერთან მუშაობა, პროექტის დაგეგმვა, ბუკლეტის გაკეთება, სლაიდშოუს გაკეთება. ჩემთვის მნიშვნელოვანი იყო შეფასებების სწორად ფორმულირება, ასევე სტანდარტის შესაბამისი მიზნების ჩამოყალიბება. პროექტის თითოეული დეტალი და აქტივობა გამომდინარეობს ამ მიზნებიდან და შესაბამისობაშია სტანდარტებთან.

მადლობას გიხდით ქალბატონო ნინო ამ საინტერესო და ნაყოფიერი დღეებისთვის.

პროექტის პორტფოლიო

პორტფოლიოს სანახავად გადადით ბმულზე

მერვე დღის რეფლექსია

პროექტის გემაში შევავსეთ გრაფა სასწავლო პროცედურები და ამით დავასრულეთ გეგმაზე მუშაობა.
გუგლ ფორმების გამოყენებით შევავსეთ კითხვარი და დავდეთ ბლოგზე, საჭიროების შემთხვევაში ვაძლევთ ჩვენი ბლოგის მისამართს მოსწავლეებს და ისინი იქ ავსებენ კითხვარს ან ასრულებენ ტესტებს.
როგორც ყოველთვის დღე იყო საინტერესო და ნაყოფიერი

პროექტის კითხვარი

კითხვარის სანახავად გადადით ბმულზე

მეშვიდე დღის რეფლექსია

ვისუბრეთ ინდივიდუალურ განსხვავებებზე სწავლის დროს.

პროექტის ფარგლებში მოსწავლეთა მხარდასაჭერად შევქმენით სლაიდშოუს შაბლონი.

შევავსეთ გეგმის შაბლონი.

გადავამოწმეთ ჩვენი პორტფოლიო.

მექვსე დღის რეფლექსია

დღეს დავასრულეთ მოსწავლის სავარაუდო ნამუშევარი და ავტვირთეთ ბლოგზე.
შევქმენით მოსწავლეზე ორიენტირებული შეფასების რუბრიკა.
დღე იყო ნაყოფიერი და საინტერესო.

მოსწავლის სავარაუდო ნამუშევარი

მეხუთე დღის რეფლექსია

დღეს ვიმუშავეთ ინტელის სახელმძღვანელოს მეოთხე და მეხუთე მოდულზე.

გავეცანით საავტორო უფლებებს , რა არის საავტორო უფლებები, რა შედის საავტორო უფლებებში და რა არ შედის, საგანმანათლებლო მიზნით მასწავლებელებს და მოსწავლეებს უფლება გვაქვს გამოვიყენოთ სურათები , ფილმები, სხვადასხვა ინფორმაცია.

დავგეგმეთ მოსწავლის სავარაუდო ნამუშევარი და ავაწყვეთ power point-ში.

მეოთხე დღის რეფლექსია

დღეს განვიხილეთ განმავითარებელი და განმსაზღვრელი შეფასების ფორმები, რომელსაც გამოვიყენებთ პროექტის შესაფასებლად.შეფასების მიზნებია მოსწავლეების საჭიროებების დადგენა, მოსწავლეებში თანამშრომლობის ხელშეწყობა და პროექტის ფარგლებში პროგრესის მონიტორინგი.
შევარჩიეთ შეფასების ხუთი სტრატეგია და მისი შესაბამისი მეთოდები და ინსტრუმენტები, აღვწერეთ როგორ განვახორციელებდით შეფასების შერჩეულ მეთოდებს ინსტრუმენტების საშუალებით .
ვისწავლეთ მეთოდი გონებრივი იერიშის და ვმვ-ს დიაგრამების შექმნა.
დღევანდელი დღეც იყო ნაყოფიერი და ბევრის მომცემი.

მესამე დღის რეფლექსია

მესამე გაკვეთილზე ვისწავლეთ სასაწავლო ღონისძიებების ეფექტური დაგეგმვისთვის მიზნების შემუშავება, პროექტის მიზნები უნდა გამომდინარეობდეს ესგ-ს საგნის სტანდარტებიდან.
გავწერეთ პროექტის განმავლობაში შესასრულებელი აქტივობები.
ვისწავლეთ ზოგადი, მეთოდური და შინაარსობრივი შეკითხვების ფორმულირება. ზოგადი და მეთოდური კითხვების დასმა მოსწავლეებში გამოიწვევს პროექტის თემისადმი ინტერესს.

მეორე დღის რეფლექსია

დღესაც ვიმუშავეთ ნაყოფიერად, ოთხი საათი გავიდა შეუმჩნევლად.
ვისწავლეთ პროექტისთვის საინფორმაციო ბუკლეტის დამზადება, იყო  ძალიან საინტერესო და ვთვლი რომ ძალიან საჭიროც.
ტრენერი დღესაც გვიხსნიდა ყველაფერს დეტალურად და გასაგებად

პირველი დღის რეფლექსია

მე ვფიქრობ რომ დღევანდელი გაკვეთილი საინტერესოდ ჩატარდა, ტრენერი ხსნიდა გასაგებად და დეტალურად მასალას.
 ვისწავლეთ ახალი საქაღალდის შექმნა, რომელიც იქნება ჩვენი პორტფოლიო.
შევქმენით ჩვენი ბლოგი, რისი საშუალებითაც გავუზიარებთ ჩვენს საქმიანობას სხვებს.